Падарожжа па родным горадзе
Каб мацней любіць сваю Радзіму, трэба аб ёй ведаць як мага больш. Выхаванцам дзяржаўнай установы адукацыі «Санаторны яслі-сад № 9 г. Смаргоні”у гэтым дапамагаюць экскурсіі па роднаму гораду.
З самай раніцы дзеці вельмі хваляваліся: сёння яны пойдуць на экскурсію па Смаргоні. Вочы хлопчыкаў і дзяўчынак загарэліся мацней, калі яны ўбачылі ў парку помнік беларускага пісьменніка Ф. Багушэвіча. Выхаванцы атрымалі шмат уражанняў і станоўчых эмоцый ад сустрэчы з бронзавымі фігурамі Мядвежай акадэміі, якая ў свой час праславіла Смаргонь на ўсю Еўропу, пазнаёміліся з памятным знакам “На хвалях часу”, помнікам “Рэха вайны” і са знакамітымі аб’ектамі роднага горада. Падарожжа атрымалася вельмі цікавым. Калі выхаванцы прыйшлі ў дзіцячы сад, яны задалі пытанне:
- “Калі мы зноў пойдзем на экскурсію?”
Мы слухаем песні і вершы,
Нам радасна бегаць, гуляць.
Наш горад для нас самы лепшы,
І будзем мы з ім сябраваць.
 |
 |
 |
 |
 |
 |
