Вывучаем родную мову. Санаторный ясли-сад № 9 г. Сморгони

Арганізацыя адукацыйнага працэсу ва ўстанове дашкольнай адукацыі ажыццяўляецца на беларускай мове.

Вывучаем родную мову!

Найважнейшым сродкам развіцця асобы дзіцяці з’яўляецца родная мова, якая паводле слоў народнага паэта Беларусі і педагога Якуба Коласа, з’яўдяецца першай крыніцай, “праз якую мы пазнаём жыццё і навакольны свет”, “праз родную мову льецца шырокая магутная плынь, людкуючы розум і пачуцці дзіцяці”.

Асноўнай мэтай навучання беларускай мове ў дашкольнай установе з’яўляецца авалоданне дзецьмі элементарнымі зносінамі на нацыянальнай мове.

Навучанне дзяцей – гэта складаная справа, якая патрабуе зусім іншага метадычнага падыходу, чым навучанне школьнікаў.

Як жа зрабіць навучанне беларускай мове цікавым і пазнавальным?

Гульня – асноўная дзейнасць дашкольніка. Калі для дасягнення поспеху ў гульні дзіцяці неабходна здзейсніць тое ці іншае моўнае дзеянне, то яно засвойваецца амаль без намаганняў. Пагэтаму заняткі будуюцца так, каб атмасфера гульні панавала на іх з першай і да апошняй хвіліны. Заняткі ўключаюць у сабе розныя варыянты дыдактычных, ралявых, пазнавальных гульняў. Чым больш дзеці будуць пагружаны ў гульню, тым больш навучанне будзе мець поспех.

Работнікі дашкольнай установы з дапамогай бацькоў аформілі куток “Беларуская хатка”, дзе сабралі рэчы дэкаратыўна-прыкладного мастацтва, ганчарныя вырабы, вырабы з ільну і саломы. Выхаванцы дашкольнай установы маюць магчымасць знаеміцца не толькі з прыгажосцю тканых ручнікоў і сурвэтак, але і з прыладамі для ткацтва: калаўрот, пралка, з элементамі самаробнага ткацкага станка, з прыладамі для мыцця бялізны. “Беларуская хатка” садзейнічае пашырэнню ўяўленняў дашкольнікаў аб навакольным свеце і аб самім сабе, як прадстаўніку беларускай нацыі, дапамагае выхоўваць зацікаўленасць у дзяцей да культуры беларускага народа.

Нашы педагогі прытрымліваюцца накірункаў, якія склаліся ва ўстанове дашкольнай адукацыі: навучыць дзяцей любіць сваю Радзіму; прывіць ім любоў да роднай мовы, спадчыны, гісторыі, культуры; паспрыяць, каб дзеці нашы ўмелі шанаваць людзей, якія цярпліва выводзяць іх на жыццёвыя пуцявіны. Усё гэта разам і ёсць тая нацыянальная ідэя, увасабленне якой у душы і сэрцы дзяцей робіць іх сапраўднымі патрыётамі. Выхавальнікі апавядаюць сваім чытачам пра старажытныя падзеі на нашай зямлі, пра знакамітых беларусаў, пра гісторыю гарадоў, пра нашы рэкі, азёры, пушчы.

Тыдзень роднай мовы

У дзяржаўнай установе адукацыі “Санаторны яслі-сад № 9 г.Смаргоні” з 18 па 22 лютага праходзіў тыдзень, прысвечаны роднай мове.

Выхаванцы першай малодшай групы (2-3 гады) пачынаюць далучаюцца да роднай мовы праз спецыяльна арганізаваную і нерэгламентаваную дзейнасць. У другой малодшай групе (3-4 гады) адбылася драматызацыя беларускай народнай казкі “Зайкава хатка”.

У сярэдняй группе (4-5 гадоў) прайшло найцікавейшае мерапрыемства: брэйн-рынг, які адбыўся па сапраўдных правілах. Негледзячы на цяжкасць заданняў і складанасць фармату гульні, выхаванцы 4-5 гадоў “лузгалі пытанні, як семячкі”. Прычына гэтаму: беларукамоўны статус установы, дзе ўся адукацыйная работа арганізавана на беларускай мове. Выхаванцы пачалі з размінкі: гульня “Скажы па-беларуску” з карцінкамі. Тады мерапрыемства набрала размах – гульні: “Здагадайся, што гэта” ( дзецям задаваліся малазнаёмыя словы); “Падбяры рыфму да прапанаванага слова”; “Прадоўжы радок з вядомага беларускамоўнага верша”; “Чаму так называецца?” (адгадвалі значэнне матываванага слова); “Скажы правільна” (ужывалі цяжкія формы знаёмых слоў). Закончылася гульня, як і патрабуе рэгламент гульні, падвядзеннем вынікаў, узнагароджваннем пераможцаў і музычным нумарам: слуханне аудыёзапісу беларускай песні “Родная мова” (ансамбль “Песняры”).

У старшай групе (5-6 гадоў) прайшоў занятак – “Падарожжа ў сялянскую хату” (міні-музей дзіцячага садка). Дзеці пазнаёміліся з гісторыяй сялянскага быта, асноўнымі рэчамі, іх ужываннем і выкарыстаннем у сялянскай хаце. Вялікаю зацікаўленасць ў дзяцей выклікала прасніца – драўляная прылада для прадзення воўны, кудзелі. Збаны, гарлачыкі, глякі, міскі, - не засталіся без увагі дзяцей.

У рознаўзроставай групе інтэграванага выхавання і навучання выхавальнікамі быў праведзены занятак па аплікацыі на тэму “Упрыгожым сукенку беларускім арнаментам. Дзеці даведаліся, што адзенне часцей за ўсё ў нашай краіне вышываюць чорным і чырвоным арнаментам па белым.

Праведзеныя мерапрыемствы яшчэ раз падкрэсліваюць: каб лічыцца сапраўдным беларусам, трэба да роднай мовы далучацца з калыскі.

Кажуць людзі: мова вымірае

І на ёй ніхто не размаўляе.

Толькі я казаць так не бяруся –

Беларускай мовай ганаруся.

Ох, суседзі, родныя кумочкі,

Беларусы, нашы галубочкі,