Казка "Як калабок прыродзе дапамог"
Запрашаем у тэатр
"Як Калабок прыродзе дапамог"
Сучасным дзецям не хапае гульні, сапраўднай гульні. Прычына тут зусім не ў дзецях - часцей за ўсё гаджэт, які крадзе дзяцінства, укладае ў руку дзіцяці дарослы. Менавіта па гэтай прычыне выхаванцы старшай групы дзяржаўнай установы адукацыі “Санаторны яслі-сад № 9 г. Смаргоні” разам з выхавальнікамі Маршалак Анастасіяй Яўгеньеўнай і Чарнэцкай Людмілай Авініраўнай вырашылі паказаць бацькам, як добра, калі дзеці гуляюць, сапраўды гуляюць ...у тэатр!
24 кастрычніка дзецьмі была падрыхтавана аўтарская тэатралізаваная пастаноўка "Як Калабок прыродзе дапамог" паводле сюжэта рускай народнай казкі "Калабок". Адметна, што былі задзейнічаны ўсе выхаванцы. Шмат было і бацькоў, некаторыя прыходзілі цэлымі сем'ямі. Сумеснымі намаганнямі была зроблена выснова: што мы сёння захаваем на планеце, тым будуць карыстацца нашы дзеці!
 |
 |
 |
 |
